Neues Latein Lexikon (Lexicon recentis Latinitatis)

Acherstraße 20

53111 Bonn

Telefon 0228/6329 73

Telefax 02 28/651097

© 1998 für die deutsche Ausgabe:

Mathias Lempertz Buchhandlung und Antiquariat GmbH

© 1992 für die Originalausgabe:

Libraria Editoria Vaticana

Übersetzung aus dem Italienischen:

Stefan Feihl, Carmen Grau,

Heinrich Offen, Alexandra Panella

Satz und Layout:

Fotosatz Hoffmann, Winterscheid

ISBN 3-933070-01-5

PROOEMIUM

(Vorwort zur italienischen Originalausgabe)

Hoc lexicon primitus coeptum est componi eo quod Antonii Bacci Lexicon vocabulorum quae

difficilius Latine redduntur, omnibus exemplaribus divenditis, non amplius erat in promptu.

Praeterea multa verba nova, quae haec aetas induxit, eo non continebantur.

Est ergo nobis propositum in duo volumina multa verba nova congerere, simul vero, ad

legentium utilitatem, vocabula inserere, quae quidem ad thesaurum Latinum pertinent, sed

haud facile in communibus lexicis inveniuntur.

In faciendis verbis novis curae nobis fuit ut totam Latinitatem perscrutaremur, quae usque

ad iniens saeculum VH ducitur. Est enim animadvertendum in lingua Latina serioris aetatis

multo plura vocabula inesse quam in Latinitate optima, quam classicam vocant.

Quotiescumque non dabatur ut hisce fontibus uteremur, verba petita sunt e Latinitate

mediae aetatis, e Latinitate ecclesiastica (quae a sermone Patrum Ecclesiae differt), e lingua

Graeca, praesertim quae nostris viget temporibus. Cum omnia subsidia huiusmodi deessent,

veri nominis verba nova sunt facta, servatis normis disciplinae philologae et indole linguae

Latinae.

Fons praecipuus, unde plurima hausimus, fuit »Thesaurus Linguae Latinae«, opus praestantissimum, sed pro dolor nondum ad finem perductum.

Voces, quae initio recensentur, propriae quidem sunt linguae Italicae, sed textus ipse et

explicationes, hic illic insertae, lingua Latina traduntur.

Ad accentum quod attinet, tantum in verbis Latinis, initio positis, syllabae breves indicantur, ceterum accentus in